文章簡介

這篇文章深挖呼吸如何主導動作、關節排列同肌肉張力，強調每次訓練、矯正都要先由呼吸入手。文中結合理論與例子，包括挺胸、側屈、旋轉場景，解釋呼吸失調如何衍生各種姿勢偏離與矯正失誤，並直接給予正確呼吸方向配合矯正策略，助你一針見血改善代償與弱點。整篇圍繞「呼吸趨勢須同訓練方向吻合」理念，打造科學而實用的動作調整思維。

訓練與呼吸關係

目錄

• 基本概念
• 呼吸與關節運動
• 重點理解
• 實際應用例子

基本概念

呼吸，呢件事情幾得意。無形既東西，影響有形既骨骼與身體排列。

呼吸與核心既關係，喺度唔詳述，要溫書請自行睇返上一篇文。

今篇主旨，主要以人類矩陣理論帶出並應用訓練同呼吸既關係。

呼吸與關節運動

吸氣時，由下到上，先講骨盆髖關節，髂骨外展外旋，骨盆微微前傾兼微微打開，薦椎反點頭；股骨相對骨盆伸直外展外旋；再嚟脊椎段，腰椎前突減少，胸廓後方擴展，下頸椎段屈曲，上頸椎段伸直；最後肩胛骨，肩胛相對外旋些微外展加下旋。

??????????????????

係咪睇完都唔知睇緊啲乜。

重點理解

唔緊要，以下為重點，理解以下重點再應用落訓練，好多以往未解決到既事情和代償，會頓時清晰許多：

1. 呼吸基本對應關係

• 吸氣 = 離心 = 擴張
• 呼氣 = 向心 = 壓逼

2. 呼吸不平衡現象

吸氣時，若果你有一邊入氣過多，相對對側就會喺一個吸氣不足既狀態，或者可以形容成相對呼氣。

3. 呼吸失調的多面性

承上，有一邊入氣過多，可以係前後，可以係左右，更加可以係，右前左後 相對 左前右後，即係點？ 即係呼吸失調可以喺矢狀面發生，可以喺額狀面，可以喺水平面。

「呼吸趨勢，須與訓練或矯正方向吻合。」

實際應用例子

講左咁耐，終於到訓練應用，又係果句，知識沒有連結，冰冷文字睇完盞嘥時間。

例子一：挺胸過多

若挺胸過多，前側相對在吸氣狀應，腹肌群處於離心狀態，前側胸廓相對擴張，後縱隔相對壓逼，若果呢個時候你看不懂呼吸令身體進入左一個咁樣既狀態，去加以做俯身Y/T/W Raise，咁good luck。我知，實係問咁點改善？ 胸椎段學習屈曲，後側胸廓學習吸氣，講完。

例子二：軀幹右側屈

若軀幹右側屈，右側相對呼氣、向心、壓逼狀態。理論上，做左邊side plank有幫助，因為可以增強返anti lateral flexion，但若果你嘗試將胸腔重心向左擺既時候無意識到要伴隨呼氣（=向心），咁就會將一個向左側屈既矯正運動變成向左偏移但仍然向右側屈既畸型動作。

例子三：軀幹左旋轉

若軀幹左旋轉，右前側和左後側胸腔相對入氣。理論上，做右邊side plank有幫助，但都未夠，增加左側開放鏈前鋸肌收縮將軀幹帶回軀幹右旋轉狀態，先係呼吸與矯正運動方向吻合。

以往打文章通常唔比答案，希望留白可以讓大家思考一下。 今次特別點，比埋方答比埋答案，但若果唔理解固中關係，矯正與調整注定失敗。

結語

最後嚟多次文章重點：

「呼吸趨勢，須與訓練或矯正方向吻合。」

隨筆，下次見！