文章簡介

本篇文章闡述矯正運動的核心理念：「訓練即矯正」。只要訓練強度拿捏得宜，矯正動作便能有效徵召正確肌群，改善動作模式，並預防代償。作者以kickback和肩推為例，說明如何在熱身階段運用矯正動作，提前發現並修正潛在問題。矯正不在於複雜流程，而是精準應用最基本的動作原理。本文適合教練及運動愛好者參考，助你建立正確矯正訓練觀念，提升運動安全與效能。

前言

近排有點忙，如果平時既文字你係有睇足，其實我都幾感動，我會努力創作內容。

觀念分享

入正題，好多人對矯正運動有迷思，想知什麼矯正運動流程，點幫人fix呢樣fix嗰樣。

今天想分享一個簡單既十分重要嘅觀念，去讓大家理解矯正運動其中一個核心觀念，重申，係其中一個，如果睇完呢個post你覺得勁曬識曬可以周圍搵人隻揪…加油。

「訓練即矯正」

補充下，強度拿捏得夠精準既訓練，就已經係矯正；過高強度既訓練，有機會係深化代償。

適當既矯正訓練更甚可以當作熱身動作，徵召返應該發力既肌肉，去融入喺動作模式裡面，更加可以喺熱身階段去預演，今日動作會唔會見到咩潛在問題。

例子分享

係，我將會舉例子，比你嘗試去理解以上段落講緊咩。

例子一

若果你平時操腳做kickback習慣髖伸合併腰椎伸展，可以選擇deadbug作矯正動作，亦係帶熱身意義既預演。若果你執行deadbug時作一個長槓竿離心髖屈既動作時，已經出現拗腰，咁都可以預計到，做kickback時仍然會出現拗腰。

例子二

若果你平時操膊肩推習慣拗腰好多，習慣頸式呼吸伴隨肩推向心movement + 肩胛肱骨節律失調，當你睇左篇文章叫你去啟動下個前鋸肌 (附: 上旋轉有問題你只係識諗前鋸肌嗎？），可以選擇Bear Crawl w. 長槓竿肩屈既動作，中間好多重點，核心穩定，肋骨下沉，背側胸腔要識入氣，前鋸發力胸腔向後移，如果能夠保持中軸穩定再向遠端移動，可預計你肩推既壞習慣或肩胛功能障礙，一定有改善。

結語

矯正可以好簡單，但點樣精準將最簡單既東西，應用落客人，往往係最困難既東西。

我唔藏招，係因為，我唔會吝嗇招式既分享，因為重點永遠在心法，在背後既原理。