文章簡介

今篇文章主要拆解教練在動作矯正上的最大盲點——只找「唯一招式」往往無法徹底解決問題。本文以扁平足、骨盆活動度、深蹲夾膝等案例逐層剖析，強調身體排列重要性，倡導多角度分析和動作評估。教練要能分技術與能力問題、連結所有可能環節、用動作進退階配合肌群啟動，打破一招治百病思維。全文提供系統化思路，提升動作矯正成功率，帶領行業建立更全面的專業判斷力。

不知不覺喺ig上講身體排列講左兩年，兩年來見到行業多左人重視body alignment，會多左看待身體排列重要性，很是安慰，亦會令到大家看待一個動作，多左切入點。

而講到身體排列，健身教練既崗位和責任很大部份可以喺動作調整，肌肉上既啟動，去改善一系列有機會因為失能或低效發力模式而衍生出嚟既排列問題。

尋求「招式」的迷思

而衍生落去，就會令到近來常見到一種情況，就係不斷追求不同學派/前輩 去尋求能夠應對你眼前眼人問題既「招式」。

動作矯正，就好似砌拼圖咁。你能夠見到既畫面愈係廣闊，你睇到固中既因果關係便愈係清晰。舉個例子，等大家容易啲明白。

「Lok Sir，扁平足點樣改善？」
「我google過/我睇過個post，話啲shorten foot exercise可以改善到」

而我會形容，通常剛見到眼前客人出現左「狀況」就係想要一個「招式」/「唯一答案」去解決問題。

多角度分析案例：扁平足

而我一想到扁平足就係:

• 「先天性抑或是功能性？」
• 「卡在旋前，旋後有明顯受限嗎？」
• 「若有，那有選擇髖外旋代償旋後嗎？」
• 「那髖關節伸展會否被合拼了髖外旋代償？」
• 「深蹲會夾膝？」
• 「咁近端骨盆活動度會否有受限制？」
• 「會否單邊扁平更多令重心更加卡喺一邊？」
• 「推進受限」「後足旋前 中足旋後？」

而無論係邊個想法都好，都要透過動作評估先會拿到更進一步既資訊。

避免單一方程式的陷阱

若果理解一個狀況永遠只以一個角度去做切入，久而久之，思考既邏輯就會喺腦袋裡建立左一條方程式： 扁平足 = Short foot exercise，慢慢一個教練就會變成 ”exercise library“，遇到呢個情況就會將呢條方程式千篇一律攞出嚟使用。

撞得中，可以用呢個情況矯正到的話，固然開心，但更常遇到既情況係：
「成功矯正變得偶然。」

拓展視野，提升矯正成功率

要調整動作問題，要辨別到你眼前學生究竟係動作技術出問題，定係動作能力出問題。而動作能力出問題，尋「招式」後，要開始思考更多，去拓闊自己視野，往往問題係一環扣一環，若不去理解其他環節，再一次，成功矯正只會變得偶然。