文章簡介

本篇文章主要拆解訓練時左、右肌肉差距的原因，強調單靠Mind Muscle Control未必能根治結構性問題。文章以胸椎、肩胛、肋骨、骨盆等多個例子，深入剖析身體骨骼及關節排列點樣影響動作時肌肉參與，提醒教練與學員由學識分析骨骼起始狀態做起，配合正確cueing及外在提示語，才真真正正改善感受度對稱與動作品質。從結構到功能，打破單一控肌迷思，建立更全面精準的訓練系統。

感受度不一致的常見現象

無論你係玩健身，定教健身，應該好常遇到感受度不一致既情況。

如果你既訓練或教學主張係mind muscle control至上，覺得所有肌肉感受問題都可以靠mind muscle control去解決，請你更加要睇落去，希望會比到啲新角度你。

MMC與身體排列的關係

喺一啲肌電圖動作分析裡面，係有show到MMC同埋靠外在提示語既幫助，係可以幫助增加到肌肉募集參與，但係若果MMC左一輪，發覺一啲感受度不對稱既問題依然無改善，不如嘗試理解下身體排列，理解下骨骼運動如何相對影響關節狀態，你理解動作既視野會闊好多。

關節與骨骼排列的影響

平時喺健身室做既動作，可以形容成一個或多個關節在運動。

再拆解落去，咩係關節？關節指兩塊或兩塊以上既骨骼之間既活動連接（本篇文章探討活動關節）若果其中一塊骨骼喺休息時已經相對離開了其中立位置，其連接之關節亦相對進入了一個”運動狀態“。

具體情境舉例

好抽象係咪，直接舉啲情境會容易啲理解。

• 胸椎旋轉令肩胛骨相對位置一邊在內收一邊在外展

• 軀幹側屈帶動高低肩令肩胛位置相對一邊在下沉一邊上引 或

• 軀幹側屈帶動同側肋骨內轉內收令同側肩胛相對卡在上旋，對側下旋

• 骨盆旋轉令髖關節相對一邊在外旋一邊在內旋

我知道仲係好抽象，睇埋落去，對應訓練潛在影響，你就明。

訓練情景分析

情景1: 胸椎旋轉令肩胛骨相對位置一邊在內收一邊在外展
即推胸時起始位置已經係一邊胸喺向心狀態，另一邊喺離心狀態，感受度又點會一致？

情景2: 軀幹側屈帶動高低肩令肩胛位置相對一邊在下沉一邊上引

即飛膊時向心階段肩胛下沉側已經會上旋受限，感受度又點會一致？

情景3: 軀幹側屈帶動同側肋骨內轉內收令同側肩胛相對卡在上旋，對側下旋
即推膊時已經係一邊膊喺向心狀態，另一邊喺離心狀態，感受度又點會一致？

情景4: 骨盆旋轉令髖關節相對一邊在外旋一邊在內旋
即深蹲時起始位置已經係一邊臀喺向心狀態，另一邊喺離心狀態，感受度又點會一致？

結論

MMC唔係靈丹妙藥，唔能夠醫百病。嘗試文字理解下身體排列先，然後學識睇學識辨別動作，慢慢你就可以在對稱動作上，攞到愈黎愈對稱既感度受。