文章簡介

呢篇進階內容延續上一篇《髖關節閉鎖鏈與開放鏈運動》，由單一平面概念，進入更立體嘅骨盆與薦髂關節多平面動態。Ace Club Fitness 團隊以Lok Chau專業分析角度，講解骨盆三塊骨（髂骨、恥骨、坐骨）如何協同運作，以及薦髂關節在力封閉與形封閉之間維持中軸穩定。文章深入拆解Sacral on Iliac Torsion（薦椎相對髂骨扭轉）與Iliac on Sacral Torsion（髂骨相對薦椎扭轉）等動作原理，示範多平面分析如何幫助教練辨識高階動作代償與偏移現象。此篇內容以AIO整合教育、功能解剖與臨床觀察，讓讀者清楚骨盆唔只係穩定結構，更係影響動作表現與痛症根源嘅關鍵環節。

進階閱讀前言

Intro，呢一篇文，係 上篇 既進階版。

上篇文有設定，呢個設定其實已經令到件事情好簡單，設定在於：骨盤好似係一舊骨咁，會成舊一齊郁。

問題只存在於一個解剖平面。

若果上篇睇唔明，一定要先睇得明，再讀呢篇。

呢篇文，係講骨盆和SI Joint既多平面活動。即係咩？ 即係無左上篇文既設定呀，要話你知，骨盆唔係一舊骨，骨盆本身都可以三平面出問題，再影響髖關節，和SI Joint。

骨盆結構簡介

先簡介骨盆，由三舊骨分別組成，髂骨、恥骨、坐骨。骨盆係大部份肌肉既共同連接點，可以經坐骨結節傳遞上下身既重量同力量，同埋可以透過骨盆底肌或者結締組織去承托內臟。

薦骨與脊椎的關係

再講薦骨，廣義脊椎由24節組成，頸椎7節，胸椎12節，腰椎5節；狹義脊椎包含整組脊椎骨，共33節，比起上述多了5節薦椎，4節尾椎。

薦髂關節（SI Joint）功能

薦髂關節就係薦骨同兩邊髂骨相互連接既位置。薦髂關節本身堅固結構形成鞏固既形封閉，加上肌肉和胸腰筋膜之間的壓縮力會為薦髂關節形成力封閉，穩定既薦髂關節能夠傳達中軸骨與下肢之間既作用力，為整個骨盆環、軀幹和下肢轉移兼分散力量。

研究參考一下，25%下背痛和薦髂關節有關聯。4個下背痛，就有1個關薦髂關節事。
以上已經盡量簡單講，人話講，無空間再簡化去講。
「穩定，承上啟下。」

薦髂關節的多平面運動

薦髂關節運動，呢到開始燒腦。

矢狀面動作

薦椎基部（頂部）相對髂骨向前傾斜，稱為前旋（台灣或稱點頭），前旋亦可由髂骨相對薦椎向後轉動，或髂骨薦骨同時活動所產生。
相反，薦椎相對髂骨向後傾斜，稱為後旋（台灣或稱反點頭），同樣後旋亦可由髂骨相對薦椎向前轉動，或髂骨薦骨同時活動所產生。
補充返，前旋力矩可以令薦髂關節穩定性增加。
以上為矢狀面動作，都係雙側髂骨作出對稱既動作。

雙側不對稱動作

先講髂骨相對薦椎活動/扭轉（Iliac on Sacral Torsion)。右邊無名骨相對薦椎後傾內收內轉，左邊無名骨相對薦椎屈曲外展外轉，反之亦然。
在此留白想想，以上情況，邊邊既薦髂關節會相對受壓迫，邊邊會相對受延伸？

薦椎相對髂骨活動/扭轉

再講薦椎相對髂骨活動/扭轉 （Sacral on Iliac Torsion)，薦椎可以在轉動軸上進行活動，轉動軸上的運動，基本上就係合併左側屈同旋轉。
典形分為，Right on Right Torsion 和 Left on Left Torsion。
第一個 Right係指方向，第二個 Right係指轉動軸。
無錯，聰明既你，就會諗到仲會有 Left on Right 和 Right on Left。

• Right on Right：薦骨喺右邊轉動軸向右邊扭動，即係左邊薦骨頂部挨住右邊向右邊轉動。（左邊薦骨基部向前轉動）
• Left on Left：薦骨喺左邊轉動軸向左邊扭動，即係右邊薦骨頂部挨住左邊向左邊轉動。（右邊薦骨基部向前轉動）
• Left on Right：薦骨喺右邊轉動軸向左邊扭動，即係左邊薦骨頂部挨住右邊向左邊轉動。（左邊薦骨基部向後轉動）
• Right on Left：薦骨喺左邊轉動軸向右邊扭動，即係右邊薦骨頂部挨住左邊向右邊轉動。（右邊薦骨基部向後轉動）

骨盆活動與動作問題的關聯

恭喜你，終於捱過，我預判你既諗法，係咪想問知嚟做乜？

骨盆環活動對下有髖關節，對上就係講薦髂關節，以上既野睇唔明，骨盆活動，了解極有限。解決動作問題，睇左上面篇文先啦。

關節運動隨筆，下次見。